26 Lanri kammana, punna cilakako, lakukakkaliko. Punna nabattuiko malla', lakucau-cauko.
Mingka nikakkali ri Batara tu ja'dalaka, saba' Naassengi angkana a'reppese'mi kale'bakkanna.
A'mele'mi Batara ri empoang kala'biranNa ri suruga nacau-cau rancanana ke'nanga.
Tau te'nea pa'mai'na lanagappai apa nakaerokia; tau ja'dalaka nagappai apa kaminang nakamallakkanga.
U'rangi angkanaya, tena sikali manna sitau anjo tau le'baka niundang akkulle angkasiaki kanre niaka ri anne passua'-suarrangku!’ ”
Yangasenna anjo la'jari passabakkang nanituju kalenna ri bala ti'ring battua, nampa ancuru' taba sikali.
A'lampamako mange ri anjo rewata-rewata le'baka nupile. Akkio'mako mae ri ke'nanga! Boli'mi kamma naanjo ke'nanga antulungko ri wattu lalannu ri kasukkaranga.”
Sangkamma sannanna nyawaNa Batara assareko kakalumanynyangngang siagang ampa'jari jai bilannu, lasannang tongi ampanrakiko siagang ampaccappukko. Lanialleko battu ri pa'rasangang tenayamo nasallo nanupammantangngi.
Tulusu' appiandere'na siagang nahinai taua ke'nanga; tarangi kana-kananna ke'nanga sanrapang pa'dang, nakana kapang ke'nanga tena allangngereki.
Nakabirisi Batara tau tinggi langgaya, mingka Nabarakkaki tau tuna pa'maika.
Lanipuji taua situru' kacara'dekanna; nihinai taua situru' kadongokanna.
Tau tolo tinggi langgaya mattantu laniba'ji.