PANGNGEBARANG 1:19 - KITTA' MATANGKASA'

¹⁹ Kamma memangi, angkanaya tau ammakea katerassang a'boya dalle', nyawana tonji ke'nanga lanapabayara'.

PANGNGEBARANG 1:19 Referans Kwoze

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.

KATO'BA 5:13

Mingka tappela' ngasengi anjo baranga lanri nia'na bala, sa'genna tenamo apa-apa akkulle nasareangi ana'-ana'na a'jari warisi'.

1 TIMOTIUS 3:3

teai tau painung sa'genna nasa'ring, yareka teai tau nangaia assiba'ji. Mingka tunai ri kana-kananna siagang nangai assiamaka. Takkulleai angngondang dudu doe'.

AYUB 31:39

ebara' angkana la'busuki wassele'na kukanre, na kubalang parekang cipuru' pamarri allamungai,

PANGNGEBARANG 1:20

Pilangngeri! Kacara'dekanga akkio'-kioki ri agang-aganga siagang ammarrang-marrangi ri sikamma paranga!

YOSUA 7:21

Ri alla'na barang-barang niallea, nia' kucini' juba sanna' ga'gana, pare' Babilonia, pera' kira-kira nia' rua kilo battala'na, siagang bulaeng sipolong kira-kira la'bi sitangnga kilo battala'na. Ero' dudua' ri anjo barang-baranga, jari kuallemi siagang kucokkoi lalang ri buttaya ri kemaku; rawa dudui pera'na kuboli'.”

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.

PAMMUJI 7:16

Angngekei kali'bong untu' tau maraeng, mingka kalenna tu'guru' antama'.

PANGNGEBARANG 29:24

Tau assamaturuka siagang palukka', sangkamma nakabirisi kalenna. Punna a'bicarai silambusu'na ri pangadelang, lanipitabai hukkungang. Mingka punna a'merekiji bawang, lanitunrai ri Allata'ala.