PAMMUJI 99:1 - KITTA' MATANGKASA'

¹ Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

PAMMUJI 99:1 Referans Kwoze

PAMMUJI 97:1

Batarami Karaeng! Poro rannumi linoa, na ma'reja-reja pulo-puloa.

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

PAMMUJI 97:4

Kila'Na assingari linoa, annekkereki buttaya anciniki.

PAMMUJI 93:1

Batarami Karaeng; ammake kalompoang siagang kagassingang. Ammenteng kassa' linoa takkullea ta'lengga.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PAPPICINI' 11:17

Nakana ke'nanga, “Batara, Allata'ala Kaminang Koasaya, Ia niaka, siagang niakamo! Appala' sukkuruki ikambe mae ri Katte lanri Kipakemi kakoasang lompoTa, siagang appakkaramula maKi ammarenta!

PAPPICINI' 6:14

Lanynya'mi langika sangkamma karattasa' nigulunga, siagang sikontu buluka siagang puloa a'lesso' ngasengi battu ri tampa'na.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LUKAS 19:12

Nakanamo Isa, “Nia' se're tu nipakala'biri' a'lampa ri se'reang pa'rasangang bella, ero' niangka' a'jari karaeng anjoreng nampa ammotere' poleang.

YEREMIA 50:46

Punna tu'guru' Babel, nia' lakalangngerang sa'ra sannaka gegere'na, sa'genna ta'goccang sikontu linoa; sikamma sa'ra ammarranna panduduka lakalangngerangi mae ri bansa-bansa maraenga.”

YEREMIA 49:21

Punna tu'guruki Edom, lania' kalangngerang karicuang sannaka lompona sa'genna ta'goccang sikontu linoa; sa'ra-sa'ra pakkio'na pandudu'na lakalangngerangi sa'genna mange ri Tamparang Alara'.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

YEREMIA 4:24

Kuciniki monconga siagang bulu'-bulu' tinggia teai sipato' batena ta'goccang.

YESAYA 19:14

Batarami ampa'jari ke'nanga assarei pappakainga' appakalingu. Kale'bakkanna sala ngasemmi apa nagaukanga Mesir, ta'royong-royommi rapang tau nasa'ring, ta'laccirika rate ri langngena tonji.

PAMMUJI 96:10

Kabarrangi mange ri bansa-bansaya angkana, “Anjo Batara Karaeng! Jarreki linoa takkulleai ta'lengga; Iami langngadeli bansa-bansaya siagang adele'.”

PAMMUJI 18:10

Napuemi langika nampa naung mae siagang rammang sassang irawangngang bangkenNa.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 82:5

Ikau ngaseng tena apa-apa nuasseng, dongokko, siagang linguko, passabakkang ikau napanra' atorang katallassanna tau jaia.

2 SAMUEL 6:2

Napimpingi ke'nanga mange ri Baale-Yehuda, untu' angngallei battu anjoreng Patti Parjanjiang niarenga siagang arenNa Batara Kaminang Koasaya niaka empoang kala'biranNa irate ri patung-patunna malaeka' akka'nyika.

1 PATTOTTORANG 16:30

Annekkerekko ri dallekanNa, sikontu linoa! Makkassaki buttaya tama'lenggaya.

PAMMUJI 80:2

O, Pakalawakinna Israel, Kipilangngeri laloi, iKatte ampimpingi turunganna Yusuf sanrapang pa'rappungang. IKatte ammempo irate ri empoang malaeka' akka'nyika, maju maKi' siagang cayaTa

PAMMUJI 96:9

Ammakeko pakeang ibada na nusomba Batara! Annekere' mako ri dallekanNa, he sikontu linoa!

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.