PAMMUJI 98:8 - KITTA' MATANGKASA'

⁸ Boli'mi kamma attempa-tempa lima sikamma binangaya, nakkio' rannu sikamma buluka ri dallekanNa Batara.

PAMMUJI 98:8 Referans Kwoze

YESAYA 55:12

Lanubokoi Babel siagang rannu, siagang niantarakko assulu' siagang salama'. Monconga siagang buluka larannui siagang lakkio' rannui, latempa-tempai sikamma poko' kayua ri kokoa.

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

PAMMUJI 93:3

Pila' nalompoi sa'ranna dapara'na tamparanga, o, Batara, pila' lompoi arrunna bombanna tamparanga.

PAMMUJI 47:1

Pammujina golongang Korah. Untu' pamimping pakelong.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

PAMMUJI 89:13

IKatte ampa'jari waraka siagang timboroka, makkio' rannui mae ri Katte Moncong Tabor siagang Hermon.