PAMMUJI 97:8 - KITTA' MATANGKASA'

⁸ Sannangi pa'mai'na pandudu'na Sion siagang kota-kota Yehuda ri wattu nalangngere'na kaputusanNa Batara.

PAMMUJI 97:8 Referans Kwoze

PAMMUJI 48:11

Masahoroki arenTa siagang nipuji ri sikontu linoa, ammarentaKi' siagang adele'.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

YESAYA 62:11

Napassareangi Batara anne pasanga mae ri sikontu cappa'na buttaya, angkana, “Pabattui mae ri pandudu'na Sion angkana, ‘Ciniki, battumi Batara Mappasalamaka! Nirurungang ri sikamma tau le'baka Nalappassang.’ ”

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

PAMMUJI 58:10

Ri tenanapa nangngu'rangi, naposso'mo ke'nanga, sanrapang rompo' moncongbulo iji na tenapa nalompo mingka la'busu'mi niri'bakang ri anging, sanrapang lamung-lamung kalotoro'.

PAMMUJI 52:6

Annipuko siagang kana-kanannu siagang nupa'risi pa'mai'na taua!

1 PATTOTTORANG 16:14

Karaenga Iami Allata'alata, apa le'baka Napattantu nigaukangi malla'bang lino.

PAMMUJI 48:12

Boli'mi kamma ra'ya' Sion siagang Yehuda akkio' rannu, lanri Kihukkungi balinna ke'nanga.