PAMMUJI 97:1 - KITTA' MATANGKASA'

¹ Batarami Karaeng! Poro rannumi linoa, na ma'reja-reja pulo-puloa.

PAMMUJI 97:1 Referans Kwoze

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

PAMMUJI 93:1

Batarami Karaeng; ammake kalompoang siagang kagassingang. Ammenteng kassa' linoa takkullea ta'lengga.

PAPPICINI' 11:17

Nakana ke'nanga, “Batara, Allata'ala Kaminang Koasaya, Ia niaka, siagang niakamo! Appala' sukkuruki ikambe mae ri Katte lanri Kipakemi kakoasang lompoTa, siagang appakkaramula maKi ammarenta!

MARKUS 11:10

Ammenteng kassa'mi pamarentahanNa labattua, pamarentahanna Daud boeta. Pujimi Allata'ala Kaminang Tinggia!”

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

MATIUS 6:10

IKattemi Karaenna ikambe. Poro iKattemi ammarenta ri lino, na nituruki erotTa ri lino kamma ri suruga.

MATIUS 3:3

Iaminne Yohanes natabaya kananna Na'bi Yesaya ri wattunna angkana, “Nia' tau akkiok-kio' ri parang lompoa angkana, ‘Pasadiai oloanNa Batara; Lappari oloang laNaoloa.’ ”

OBAJA 1:21

Pandudu'na Yerusalem porea lanabunduki Edom nampa nabeta. Nampa iNakke Batara lammarenta salaku karaeng.”

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YESAYA 60:9

Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

YESAYA 51:5

A'reppese'mi kasalamakkang laKupassareanga; a'birimmi battu pammetangKu. KalengKu lammarenta mae ri bansa-bansaya. Sikamma pa'rasangang bellaya natayang-tayangA' siagang naminasai gau' malompoKu.

YESAYA 49:1

Pilangngeria', he sikamma pa'rasangang bellaya parhatikangi kana-kanangku. Nakio' memamma' Batara ri tenanapa kunilassukang, Napile memamma' bakukku nitianangngang.

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”

YESAYA 41:5

Pandudu'na pa'rasangang bellaya naciniki apa Kugaukanga. Ta'bangkai siagang annekkereki ke'nanga lanri malla', nampa a'rappungang na battu mae.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

PAMMUJI 2:11

Manynyombako ri Batara numannuruki,

ZAKHARIA 14:9

Na Batara lammarenta salaku Karaeng ri sikontu linoa; tunggala' taua lanynyombai ri Ia salaku Allata'ala siagang naassengi arenNa lalang areng sangkammaya.