PAMMUJI 95:1 - KITTA' MATANGKASA'

¹ Umba kimakkelong mae ri Batara, akkio' rannu mae ri Tumappasalamatta!

PAMMUJI 95:1 Referans Kwoze

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

PAMMUJI 81:1

Untu' pamimping pakelong. Situru' lagu: Gitit. Battu ri Asaf.

PAMMUJI 150:6

Siratangi sikontu apa attallasaka mamuji ri Batara. Pujimi Batara!

2 SAMUEL 22:47

Batara mattallasaka! Nipujimi Pannulungku! Mala'biriki kalompoanNa Allata'ala Mappasalamakku!

KALAPPASSANG 15:21

Akkelommi Miryam, nirurungang ri rabana; na nakana kelong-kelonna, “Akkelongko mae ri Batara, saba' le'ba'mi ammeta lompo. Sikontu jaranga siagang tu'baena nipasambila ngaseng antama' ri tamparang.”

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

PAMMUJI 100:1

Pammuji untu' koro'bang sukkuru'. Akkio' rannuko mae ri Batara, he sikontu lino!

PAMMUJI 34:3

Erokka' a'lompo-lompo pa'mai' lanri gau'Na Batara; poro Nalangngereki tu nijallakkanga na'jari rannu.

1 PATTOTTORANG 16:9

Akkelongko pammuji mae ri Batara birittakangi sikamma bate pare' malompoNa.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

PAMMUJI 66:8

Pujimi Allata'alana ikambe, he sikamma bansa-bansaya, pakkiokangi pammujinu mae ri Ia!

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

PAPPICINI' 19:6

Le'baki anjo nia'mo kulangngere' kamma sa'ra tau sannaka jaina sipa'rappungang; sa'ranna sangkammai sa'ra bombang sannaka lompona siagang sangkammai gunturu' a'gamarrunga. Kulangngere'mi ke'nanga angkana, “Pujimi Allata'ala! Nasaba' Iami Batara, Allata'alata Kaminang Koasaya, ammarentaya kamma-kamma anne!

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

EFESUS 5:19

Pakei kana-kana mappakala'birika, kelong pammuji-mujia siagang lagu-lagu rohania lalang ri kana-kanannu. Paralluko rannu pa'mai' akkelong mammuji-muji mae ri Batara makoasaya.

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

PAMMUJI 118:1

Sukkurukko mae ri Batara lanri Ia bajiki, pangngamaseanNa sa'genna satunggu-tungguna.

PAMMUJI 117:1

Pujimi Batara, he sikontu bansa, pakalompoi, he sikontu suku bansaya!

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

PAMMUJI 107:21

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 107:15

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 107:8

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 101:1

Pammujina Daud. Erokka' akkelong ri passala' tamamminraNa siagang kaadelanNa, mae ri Katte, o, Batara, kelong pammujiku!

PAMMUJI 89:26

LaKupa'la'baki kakaraenganna, battu ri Tamparang Tangngaya sa'genna Binanga Efrat.

PAPPICINI' 14:3

Na ri dallekanna anjo empoang kalompoanga, siagang appaka olo'-olo', kammayatompa sikamma anjo pamimping akkulilinga ri anjo empoang kala'biranga, akkelong ngasemmi anjo tau 144.000 jaina. Kelongang beru anjo nakelonganga ke'nanga. Manna inai takkulleai napappilajari anjo kelonga, pantaranganna anjo tau 144.000 jaina. Yangasemmi anjo ke'nanga tau le'baka nilappassang battu ri linoa.

2 PATTOTTORANG 20:28

Ri wattunna battu ke'nanga ri kotaya, a'barrisiki ke'nanga mange ri Balla'Na Batara nirurungang siagang sa'ra kacaping siagang tarompe'.

PAMMUJI 18:47

Batara mattallasaki! Nipujimi mappatojengku! Mala'biriki kalompoanNa Allata'ala mappasalamakku!