PAMMUJI 94:15 - KITTA' MATANGKASA'

¹⁵ Nalanipaenteng poleammo hukkunga ri pangadelanga, sikontu tau lambusuka nasitujui ngasengi.

PAMMUJI 94:15 Referans Kwoze

MIKHA 7:9

Doraka maki' ri Batara, lanri kammana anjo musti nikasiaki pangngalarroinNa. Mingka tasalloami naNaalleiki' siagang Nasareki' kaadelang. LaNaerangki' assulu' mae ri singaraka; lanikasiaki kalenta angkanaya Ia ampasalamakki'.

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

PAMMUJI 37:34

Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

AYUB 35:14

O, Ayub, la'biangampa punna ikau nukana angkanaya tena nanuciniki, angkanaya nia'mi parkaranu ri dallekanNa na sanna'mo batena nutayang!

YESAYA 42:3

Bulo ta'dundua talanatepokai, kanjoli ca'dia rinrana talanabunoai. Majarreki lanapa'nyata katojenganga,

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.