PAMMUJI 94:1 - KITTA' MATANGKASA'

¹ O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

PAMMUJI 94:1 Referans Kwoze

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

YESAYA 59:17

Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

IBRANI 10:30

Ikatte niassengi inai anjo angkanaya, “La'balasakA'! LassareA' hukkungang!” kammayatompa angkanaya, “LaNaadeli Batara Umma'Na.”

YEREMIA 50:28

Sikamma tau laria mange ri Yerusalem battu ri Babel nacaritai antekamma batena Karaeng Allata'alata ambalasaki panggaukanna tu Babel mae ri Balla'Na Batara.)

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PAMMUJI 50:2

Battu ri Sion, kota kaminang ga'gaya, ammumbai Allata'ala siagang cayaNa.

2 KARAENG-KARAENG 9:7

Lanupaccappuki kaluargana karaennu Ahab. Lalang kammana anjo naKuhukkummo Izebel le'baka ambunoi na'bi-na'biKu siagang sikamma atangKu maraengannaya.

YEREMIA 51:6

Pasalamaki kalennu! Lariko battu ri Babel, gassingka amminawang tongko nibuno lanri dosana ke'nanga! Nasaba' iaminne wattunna laKubalasa' kaja'dallanna Babel, siagang laKuhukkung situru' panggaukanna.

YEREMIA 51:56

Battui ke'nanga untu' ampanraki Babel, anjakkalaki tantara-tantarana siagang antepoki sanjatana ke'nanga. INakkemi Batara anghukkungi ke'nanga kaja'dallanna, siagang Babel laKubalasaki situru' siagang panggaukanna.