PAMMUJI 93:3 - KITTA' MATANGKASA'

³ Pila' nalompoi sa'ranna dapara'na tamparanga, o, Batara, pila' lompoi arrunna bombanna tamparanga.

PAMMUJI 93:3 Referans Kwoze

PAMMUJI 96:11

Rannu mako, he langika siagang buttaya! Ammarrung mako, he tamparanga siagang sikontu bonena!

PAMMUJI 18:4

Makkioka' ri Batara, siratanga nipuji, Ia allappassanga' battu ri musu-musungku.

PAPPICINI' 17:15

Nakana pole anjo malaekaka, “Anjo je'ne' nucinika, napammempoia anjo pasundalaka, iaminjo bansa-bansaya, ra'ya'-ra'yaka, pa'rasangang-pa'rasanganga siagang bahasa-bahasaya.

YESAYA 55:12

Lanubokoi Babel siagang rannu, siagang niantarakko assulu' siagang salama'. Monconga siagang buluka larannui siagang lakkio' rannui, latempa-tempai sikamma poko' kayua ri kokoa.

PAPPICINI' 12:15

Jari appasappuru'mi battu ri bawana anjo nagaya sanna' jaina je'ne' mae ri anjo bainea, sollanna akkulle ammanyu'.

YUNUS 2:3

Kipasambila' antama' ri tampa' lantanga, sa'genna irawanganna tamparanga. Anjorenga' nitammulili ri lo'loro'na je'neka, napatappasakka' bombang lompoa.

PAMMUJI 46:3

Talamallaka maki', manna pole ta'goccang linoa, siagang tallang sikamma monconga naung ri tamparanga;

PAMMUJI 46:4

manna na'jallo' tamparanga siagang bombang lompo, nannekkere' bulu'-buluka natunrung.