PAMMUJI 92:7 - KITTA' MATANGKASA'

⁷ Tau dongoka takkulleai napahang, tau toloa takkulleai napahang.

PAMMUJI 92:7 Referans Kwoze

PAMMUJI 37:38

Mingka tau dorakaya lanipossoki; turunganna ke'nanga lanipa'lanynyaki.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

MALEAKHI 3:15

Mata kalenta anciniki antekamma mate'nena tau tampoa. Tena napila' salewangang bawang tau ja'dalaka, mingka punna naso'ri kasa'baranNa Allata'ala lalang kaja'dallanna ke'nanga, tena tonja namangngapa-apa.’ ”

PAMMUJI 73:12

Kammaminjo lampa-lampana tau ja'dalaka; sannangi tallasa'na, tuli katambangi barang-baranna.

AYUB 12:6

Mingka katallassanna paellaka tena niancangi; tau barania ambaliangi Allata'ala, amangi tallasa'na. Na rewataja a'jari panrannuanna ke'nanga, kagassingang kalennaji bawang napattoang.

YESAYA 37:27

Sikamma tau niaka ammantang anjoreng tena kullena; ta'bangkai ke'nanga lanri malla'na. Rapangi ke'nanga ruku' ri parang yareka ruku' attimboa irate ri pattongko'na ballaka, a'jari kalotoroka punna niiri' ri anging bambang battu raya.

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PAMMUJI 94:4

Appasuluki ke'nanga kana-kana kasara', na napattampo-tampoang kaja'dallanna ke'nanga.

PAMMUJI 73:22

dongoka' natena kupahangi, sanrapanga' olo'-olo' ri dallekanTa.