PAMMUJI 92:4 - KITTA' MATANGKASA'

⁴ angngo'bi' gitar sampuloa otere'na, nirurungang ri gambusu' siagang kacapi.

PAMMUJI 92:4 Referans Kwoze

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

PAMMUJI 8:6

Mingka Kiangka'mi ke'nanga la'biring sinrapang Allata'ala, Kipipakei kalompoang siagang kala'birang.

LUKAS 1:47

nama'rannu-rannu nyawaku kalanri Allata'ala Mappasalamakku.

PAMMUJI 126:3

Memang Nagaukammi Batara gau'-gau' hebaka untu' ikatte! Iaminjo saba'na kirannu!

YOHANES 16:22

Kamma tomminjo ri kau ngaseng: kamma-kamma anne susai nyawanu, mingka lasibuntulu' poleang jaki' sallang, jari la'jari rannumi nyawanu. Na tenanniakka tau lakkulle angngallei anjo karannuanga battu ri nyawanu.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAMMUJI 143:5

Kuu'rangi allo-allo allaloa; kunawa-nawai sikontu panggaukanTa, kupikki'-pikkiri' sikamma bate paretTa.

YEREMIA 31:7

Nakana Batara, “Akkelongko a'rannu-rannu untu' Israel, ummakKu – bansa makase'rea ri sikontu bansaya Akkelongko kelong-kelong pammuji, siagang kabarrangi, angkana: ‘Le'ba'mi Napasalama' Batara niaka tassesa battu ri umma'Na.’

PAMMUJI 104:31

Poro satunggu-tungguna kalompoanNa Batara! Poro rannui mae ri sikontu bate pa'jariNa!

PAMMUJI 90:16

Kipicinikiangi ikambe ata-atanTa sikamma bate paretTa, siagang koasa accayaTa mae ri turunganna ikambe.

PAMMUJI 64:10

Nampa lamalla' ngasemmo taua; nanawa-nawai panggaukanNa Allata'ala na nakabarrang apa le'baka nacini' Nagaukang.

PAMMUJI 104:34

Poro anggappa pangngellai battu ri Ia kelong-kelongku, saba' Iami ampa'jari rannui pa'maikku.

PAMMUJI 33:2

Appala' sukkurukko mae ri Batara siagang kacapi, akkelongko mae ri Ia nirurungang ri sa'ra musi'.