PAMMUJI 92:1 - KITTA' MATANGKASA'

¹ Kelong untu' allo Pammari-mariang.

PAMMUJI 92:1 Referans Kwoze

PAMMUJI 147:1

Pujimi Batara! Saba' bajiki ammujia mae ri Ia, siagang sannangi pa'maika akkelonga mammuji mae ri Ia!

PAMMUJI 107:1

“Sukkurukko mae ri Batara saba' Ia bajiki, pangngamaseanNa sa'genna satunggu-tungguna.”

EFESUS 5:19

Pakei kana-kana mappakala'birika, kelong pammuji-mujia siagang lagu-lagu rohania lalang ri kana-kanannu. Paralluko rannu pa'mai' akkelong mammuji-muji mae ri Batara makoasaya.

PAMMUJI 135:3

Pujimi Batara, saba' Ia bajiki, pujimi arenNa, saba' lammoro' pa'maiki.

PAMMUJI 33:1

He, sikamma tu bajika, akkio' rannu mako lanri apa le'baka Nagaukang Batara; siratangi mammuji-muji tu lambusu' pa'maika.

PAMMUJI 73:28

Mingka untu' inakke tamaka baji'na ma'reppeseka mae ri Allata'ala, Karaeng Allata'ala kupa'jari tampa' pa'la'langangku, sollanna akkulle kukabarrang sikontu panggaukanNa.

PAMMUJI 107:8

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 52:9

“Iaminjo tau tenaya naero' a'la'lang mae ri Allata'ala, mingka kakalumanynyangnganna alla'bia narannuang siagang a'boya amang ri barang narampasaka.”

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

PAMMUJI 107:15

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 54:6

Mingka Allata'alami pannulungku; Batara Tumappatojengku.

PAMMUJI 92:8

Nakulle kapang tau dorakaya coppongi sanrapang ruku'; tau ja'dalaka pila' kalumanynyangi na kala'biang; mingka laniballassi taba sikali ke'nanga,

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

PAMMUJI 82:6

Kukana ikau ana'-ana'na ngasengko karaenga ana'-ana'na ngasengko Allata'ala Kaminang Tinggia.

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

IBRANI 4:9

Jari, untu' Umma'Na Allata'ala nia' ija janji untu' lammari-mari sangkamma ammari-mariNa Allata'ala ri anjo allo makatujua.