PAMMUJI 91:4 - KITTA' MATANGKASA'

⁴ LaNatongkokko siagang ka'nyi'Na, sa'gennu amang lalang ri la'lanNa; nyawa tamamminraNa sanrapangi pa'lapa' ri batangkalennu anjagaiko.

PAMMUJI 91:4 Referans Kwoze

PAMMUJI 61:4

saba' iKattemi pa'la'langangku, tampa' attahang kassakku mae ri musungku.

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

PAMMUJI 17:8

Kiparakaia' sanrapang lisere' matanTa, kicokkoa' lalang ri la'lanna ka'nyitTa

PAOLE 32:11

Rapang balangkoa' angngajaraki ana'na anri'ba', anjakkalaki ri ka'nyi' ta'rangka'na,

PAMMUJI 35:2

Kiallei pa'lapa' barambanTa, siagang ammenteng maKi' antulunga'.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

RUT 2:12

Tapporo Nabalasa' lalo Batara kabajikannu. Tapporo nutarima lalo apa siratanga Napassareang Batara, Allata'alana Israel, nasaba' battu mako untu' appala' pa'la'langngang mae ri Ia!”

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

MARKUS 13:31

Lalanynya' ngasengi langika siagang buttaya, mingka anne kana-kanangKu tuli laniaki satunggu-tungguna.”

PAMMUJI 138:2

Su'juka' a'dalle' mae ri Balla' matangkasatTa nakupuji arenTa, saba' tamamminrayaKi' siagang tulusu' mangngamaseangKi'. La'bi Kiparalluangangi janjinTa kala panggappa pikkiranna taua mae ri Katte.