PAMMUJI 91:2 - KITTA' MATANGKASA'

² akkullei angkana ri Batara, “IKattemi Tumappatojengku siagang pa'la'langangku, Allata'alaku, iKattemi kupatappa'.”

PAMMUJI 91:2 Referans Kwoze

PAMMUJI 18:2

Mangngaia' ri Katte, o, Batara, iKattemi kagassingangku.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

PAMMUJI 142:5

Ri wattungku assaile mae ri sa'ri, kuciniki angkana tena bantuangku. Tena anjagaia', yareka anjampangi kalengku.

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PAMMUJI 71:3

A'jariKi' untu' inakke sanrapang moncong batu tampa' pammantangangku, tuli akkullea kurapi' kubattui. Saba' le'ba'mi Kitappuki untu' ampasalamaka', iKattemi tampa' pammantangangku siagang pa'la'langangku.

PAMMUJI 14:6

Tau ja'dalaka eroki narompai tu kasi-asia, Mingka Batara a'jari pa'la'langanna.

PAMMUJI 91:9

Saba' Batara nupa'jari Tumappasalama'nu, Kaminang Tinggia nupa'jari pa'la'langannu.

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

PAMMUJI 48:14

Parhatikangi tembo'na, paressai tembo' pattahanganna, sollanna akkulle nucarita mae ri turungannu:

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

LUKAS 20:38

Jari, anjo Allata'ala, teai Allata'alana tau matea! Passangalinna Iami Allata'alana tau attallasaka! Nasaba' untu' Allata'ala nattallasa' ngaseng rupataua.”

YEREMIA 31:1

Nakana Batara, “Lanarapi sallang wattunna naKua'jari Allata'ala mae ri sikontu suku Israel, siagang ke'nanga a'jari ummakKu.

PAMMUJI 43:4

Kulamange ri tampa' pakkoro'bangnganNa Allata'ala, andallekang ri Allata'ala kabattuanna kate'neangku. Lamakkelonga' siagang lakkarena kacapi, untu' ampujiKi', o, Allata'ala, Allata'alaku.

PAMMUJI 18:3

Batara sanrapang pa'la'langngang makassakku tampa' pa'la'langangku. Allata'alaku sanrapang moncong batu tampa' pa'la'langangku. Sanrapang pa'lapa' antongkokia', siagang anjagaia' kutuli amang.

PAMMUJI 25:2

o, Allata'alaku, matappaka' ri Katte! TeaKi' lappassangia' nipakasiri', na nigorai ri musu-musungku.

PAMMUJI 31:15

Mingka manrannuanga' mae ri Katte, o, Batara, saba' iKattemi Allata'alaku.

PAMMUJI 46:2

Allata'ala pa'la'langangku siagang kagassingangku; tuli sadiai siagang akkullei antulunga' lalang kasukkarang.

PAMMUJI 61:5

Boli'mi kamma kunnumpang ri kemaTa lalang sikontu umurukku, sollangku amang lalang ri la'lanna ka'nyitTa.

PAMMUJI 142:6

Akkioka' mae ri Katte, o, Batara, iKattemi tampa' pa'la'langangku, iKatteji bawang kuparalluang lalang ri anne tallasakku.