PAMMUJI 90:8 - KITTA' MATANGKASA'

⁸ Kipadongkoki kasalanna ikambe ri dallekanTa, dosa taccokkona ikambe Kicini' ngasengi.

PAMMUJI 90:8 Referans Kwoze

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.

KATO'BA 12:14

LaNaadeli ngasengi Allata'ala sikontu panggaukanta; ia bajika siagang kodia, ba'lalo manna pole toccokkoa.

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.

1 YOHANES 3:20

Punna nibilang salaki' ri ati mailalanta, niassengi angkanaya lompoangangi pangngassenNa Allata'ala na pangngassengang niaka ri atinta siagang Naasseng ngasengi sikontu apa-apaya.

PAMMUJI 10:11

Nakana nawa-nawana, “Nakaluppaimi Allata'ala na taNajampangia; tulusu' tenamo nalaNacinikka'!”

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

ROMA 2:16

Kammaminjo lakajarianga sallang ri allo le'bakamo nipattantu. Ri anjo alloa – situru' Kabara' Baji' kubirittakanga – laNaadeli Allata'ala lalang Isa Almasi rahasia atinna siagang rahasia pikkiranna sikontu rupataua.

YEHEZKIEL 8:12

Nakana Allata'ala ri nakke, “He tau, nuciniki apa nagaukang cokko-cokkoa sikamma pamimpinna tu Israel? Anynyombai ke'nanga lalang ri kamara' rassia siagang barhala; lanri nakana kalenna ke'nanga Kubokoimi anne pa'rasanganga siagang tenamo naKuciniki panggaukanna ke'nanga.”

PANGNGEBARANG 5:21

Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

PAMMUJI 80:16

Kipasalamaki ummatTa sanrapang poko' anggoro' le'baka Kilamung kalenTa, siagang cu'la' anggoro' Kipakajarreka.

PAMMUJI 50:21

Iaminjo nugaukang, mingka a'merekijA' bawang, jari nupikkiri'mi angkana sangkammA' ikau. Mingka kamma-kamma anne Kucallako, na yangasenna anjo Kupa'nyatai mae ri kau.

AYUB 34:21

Najannangngi tallasa'na rupataua, Naciniki sikontu dakkana.

KAIMANGNGANG 4:23

jari tena nasallo ri le'ba'na nasadari musti assarei koro'bang sikayu bembe laki tenaya callanna untu' nipammopporanna dosana.

KAIMANGNGANG 4:28

lintaki ri nasadarinamo musti assarei koro'bang sikayu bembe gana ia tenaya callanna.

AYUB 10:14

Kijannangngia' gassingka appareka' kasalang sollanna tena Kiero' ampamopporanga'.

PAMMUJI 109:15

Boli'mi kamma tuli Nau'rangi Batara dosana ke'nanga, na tenamo angngu'rangi ke'nanga ri lino.

YEREMIA 2:22

Manna pole nu'je'ne' siagang ammake sabung sijaiang, mingka sikamma ra'masa'nu Kucini' tongiji.