PAMMUJI 90:17 - KITTA' MATANGKASA'

¹⁷ O, Batara Allata'alana ikambe, Kibarakkaki ikambe, sollanna angngerang wassele' sikamma jama-jamanna ikambe.

PAMMUJI 90:17 Referans Kwoze

PANGNGEBARANG 16:3

Pappirannuangi mae ri Batara sikontu rancananu, nanukkulle lampa'jari ri nugaukanna.

1 KORINTUS 3:7

Jari ia parallua iamintu Allata'ala, nasaba' Iami appattimbo. Tau a'lamunga siagang tau anynyiranga je'ne' tena naparallu;

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

PAMMUJI 118:25

Napalaki ikambe, o, Batara, Kipasalamaki ikambe, o, Batara, Kisarei ikambe pammetang!

AYUB 22:28

Usahanu tuli langngerangi wassele', siagang singaraka lassingari tallasa'nu.

PAMMUJI 80:3

ri dallekanna Efraim, Benyamin, siagang Manasye. Kipappicinikangi koasaTa mae ri kambe, battu maKi' ampasalamaki ikambe.

PAMMUJI 68:28

Benyamin, suku kaminang ca'dia, a'jappa ri dallekang, nampa a'rurung-rurung sikamma pinggawana tu Yehuda ri bokona sikamma pinggawana tu Zebulon siagang Naftali.

PAMMUJI 80:7

Kibalang parekangi bansa-bansa siampi'na ikambe ampa'beserangi buttana ikambe ammakkala' sannang ngasemmi musu-musunna ikambe.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

PAMMUJI 50:2

Battu ri Sion, kota kaminang ga'gaya, ammumbai Allata'ala siagang cayaNa.

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.