PAMMUJI 9:2 - KITTA' MATANGKASA'

² Erokka' appala' sukkuru' lalang sikontu atingku ri Katte Batara, nakukabarrang kalompoanna bate paretTa.

PAMMUJI 9:2 Referans Kwoze

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

PAMMUJI 5:11

Hukkungi ke'nanga, o Allata'ala, lappassammi cilaka lanri rancanana tonji. Bongkai ke'nanga lanri jaina dosana, saba' angngewami ke'nanga mae ri Katte.

PAMMUJI 7:17

Jari nihukkungi lanri kaja'dallang kalenna tonji, siagang nisessai lanri kapala batuna tonji.

PAMMUJI 97:9

Saba' iKatte, o, Batara, makoasa ri sikontu lino; iKatte malompo la'biangang na sikontu rewataya.

PAMMUJI 28:7

Batara pa'la'langangku siagang Tumappatojengku, tappaka' mae ri Ia. Natulunga' siagang Napakarannui pa'maikku, mammujia' mae ri Ia siagang lagu sukkuru'.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

PAMMUJI 97:12

Rannu mako, he sikamma tau tulusu' pa'maika lanri apa le'baka Nagaukang Batara, siagang appala' sukkurukko mae ri Allata'ala matangkasaka.

PAMMUJI 92:1

Kelong untu' allo Pammari-mariang.

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

PAMMUJI 92:4

angngo'bi' gitar sampuloa otere'na, nirurungang ri gambusu' siagang kacapi.

PAMMUJI 43:4

Kulamange ri tampa' pakkoro'bangnganNa Allata'ala, andallekang ri Allata'ala kabattuanna kate'neangku. Lamakkelonga' siagang lakkarena kacapi, untu' ampujiKi', o, Allata'ala, Allata'alaku.

PAMMUJI 27:6

Anne kamma ammetama' mae ri musungku niaka angkatulunga'; jari makkio' rannuma' assare koro'bang sukkuru' ri BallatTa; erokka' akkelong siagang mammuji mae ri Batara.

PAMMUJI 26:7

nakukkelong lagu appala' sukkuru', na kukabarrang gau' malompoTa.

PAMMUJI 86:12

Appala' sukkurukka' mae ri Katte lalang sibatu pa'maikku o, Karaeng Allata'alaku; erokka' mammuji ri kalompoanTa satunggu-tungguna.

PAMMUJI 96:3

Caritai kalompoanNa mae ri bansa-bansaya, siagang panggaukang-panggaukang poreNa mae ri umma' rupataua.

PAMMUJI 138:1

Battu ri Daud. O, Batara, erokka' appala' sukkuru' mae ri Katte, lalang sibatu pa'maikku. Ri dallekanna sikontu rewataya kukkelong lagu pammuji mae ri Katte.