PAMMUJI 89:48 - KITTA' MATANGKASA'

⁴⁸ Kiu'rangi laloi antekamma bodona anne tallasakku, Kipa'jari rupataua a'jari tau lamate.

PAMMUJI 89:48 Referans Kwoze

PAMMUJI 49:15

Sanrapang gimbala', nipattantui ke'nanga untu' mate; kamateang langkalawaki ke'nanga. Ri bari'basa' iji nibetami ke'nanga ri tau lambusuka linta'mi botto' tubuna ke'nanga lalang ri linona tu matea, bella battu ri pammantanganna tau assannang-sannanga.

IBRANI 11:5

Lanri tappa'na, natamateamo Henokh; passangalinna niangkaki siagang nierangi mae ri Allata'ala. Tena manna sitau akkulle ambuntuluki, lanri niangka'mi ri Allata'ala. Nia' tattulisi' lalang ri Kittaka angkanaya ri tenanapa niangkaki Henokh, le'ba'mi napakasannang atinNa Allata'ala.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

KATO'BA 9:5

Minang sike'de'na, tau attallasaka naassengi angkana attayangi a'jala'na, nampa tau matea tena apa-apa naasseng. Mae ri ia tena passawallang yareka pa'balasa', siagang nikaluppaimi arenna.

YOHANES 8:51

Annaba tojengi anne Kukanaya: inai-nai anturuki kanangKu tena nalamate sa'genna satunggu-tungguna.”

KATO'BA 8:8

Tena manna sitau akkulle antahangi yareka ampamonoki wattu kamateanna. Anjo parjuangang kammaya takkulleai naliliang, takkulleai ta'lappasa' battu ri ia, manna pole appare' akkala' yareka annipu.

AYUB 30:23

Kuassengi, angkana Kieranga' mange ri lino kamateanga, tampa'na nipasse're sikamma apa attallasaka.

LAMPA-LAMPANA 2:27

Nasaba' tena natuli nubalang parekangi nyawaku ammantang lalang ri linona tu matea. Tanubalang parekangai ata majarreka ri kau a'jari ancuru' na la'busu'.

PAMMUJI 22:29

Nasaba' Batarayami makoasa, Ia ammarenta mae ri bansa-bansaya.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

2 KORINTUS 4:14

Tappa'mi ikambe angkanaya le'ba'mi nipattallasa' poleang ammotere' Isa ri Allata'ala; jari tappa' tommi ikambe angkanaya lanipattallasa' tommi ikambe tete ri Isa. Na Iami langngerang ngasengki' mange ri dallekang mala'biri'Na.

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

PAMMUJI 119:84

Sa'genna siapa sallona musti sa'bara' anne atanTa? Angngapapi nalaKihukkung tau angngondangia'?