PAMMUJI 89:34 - KITTA' MATANGKASA'

³⁴ Mingka tuli laKukamaseanna Daud, talaKukaluppaiyai nyawa tamamminraKu.

PAMMUJI 89:34 Referans Kwoze

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

MALEAKHI 3:6

“INakkemi Batara, siagang tale'baKa' amminra. Lanri kammana, ikau ngaseng jari-jarina Yakub, tena nipanrakiko.

ROMA 11:29

Nasaba' punna Napilei Allata'ala anjo taua siagang Nabarakkaki, tale'bakai Nabeso' ammotere' anjo apa le'baka Nagaukang.

YEREMIA 14:21

Kiu'rangi janjinTa, teaKi' pakatunai ikambe; teaKi' kaluppai janjinTa siagang ikambe. Yerusalem tampa' empoang kala'biranTa, teaKi' pakatunai.

KAIMANGNGANG 26:44

Mingka manna ri nia'na ija ke'nanga ri pa'rasanganna musua, tena nalaKubokoi yareka tena nalaKuancuru' tabasikali ke'nanga. Nasaba' punna Kuancuruki ke'nanga, battuanna Kutappu'mi parjanjiangKu siagang ke'nanga, sa'dangkang iNakke anne Batara, Allata'alana ke'nanga.

YEREMIA 33:20

“Le'ba'Ma' anynyikko' parjanjiang siagang alloa na bangngia, sollanna anjo alloa siagang bangngia tuli battui punna narapiki wattunna; anjo parjanjianga takkulleai nipela'.

2 SAMUEL 7:15

Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.

1 KARAENG-KARAENG 11:39

Lanri dorakai Salomo, laKuhukkungi turunganna Daud, mingka tena nasa'genna satunggu-tungguna.’ ”

1 PATTOTTORANG 17:13

INakkemi la'jari Manggena, siagang iami la'jari ana' bura'neKu. Tuli laKugaukangi bajika mae ri ia situru' janjingKu. Tuli laKuta'gala' jarreki janjingKu, tena nasangkamma mae ri Saul le'baka Kupalesso' battu ri empoanna, sollannu akkulle a'jari karaeng.