PAMMUJI 89:33 - KITTA' MATANGKASA'

³³ laKuhukkungi ke'nanga paccambo' lanri tamannurukinna, laKupitujui bala ke'nanga lanri dosa-dosana.

PAMMUJI 89:33 Referans Kwoze

2 SAMUEL 7:15

Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

1 SAMUEL 15:29

Allata'alana Israel Ia Mala'birika tena Na'balle-balle, siagang tena todong naNapinrai pikkiranNa, lanri Ia teai rupatau.”

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 11:32

Se're suku lammantang ri Salomo, lanri atangKu Daud, siagang lanri Yerusalem, ia le'baka Kupile battu ri sikontu pa'rasangang Israel a'jari kotaKu.

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

PAMMUJI 89:39

Mingka anne kamma larroKi' mae ri karaenga, Kipelaki siagang Kitollaki tu nipileTa.

2 SAMUEL 7:14

INakke la'jari Manggena, siagang ia la'jari ana' bura'neKu. Punna nia' apa sala nagaukang, laKuhukkungi sangkamma se'rea mangge anghukkungi ana'na.