PAMMUJI 89:30 - KITTA' MATANGKASA'

³⁰ Kupartahangkangi empoang kala'biranna lalang nia'na ija langika irateanna buttaya, lanaempoi sikontu ana' cucunna.

PAMMUJI 89:30 Referans Kwoze

2 SAMUEL 7:14

INakke la'jari Manggena, siagang ia la'jari ana' bura'neKu. Punna nia' apa sala nagaukang, laKuhukkungi sangkamma se'rea mangge anghukkungi ana'na.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

PAMMUJI 132:12

Punna tamamminraya ana'-ana'nu mae ri parjanjiangKu, siagang mannuruki ri sikamma parentaKu, jari untu' satunggu-tungguna turunganna ke'nanga lansambeangko a'jari karaeng.”

PAMMUJI 119:53

Sanna' larroku mae ri tau ja'dalaka, lanri nabokoi hukkunTa.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

YEHEZKIEL 20:19

INakkemi Karaeng Allata'alanu. Turuki hukkung-hukkungKu siagang parenta-parentaKu.

YEHEZKIEL 18:17

Tale'bakai a'gau' ja'dala' yareka assare angnginrang nappala' bunga. Mannuruki ri hukkung-hukkungKu siagang nagaukangi parentaKu. Anjo anaka tena nalamate lanri dosa-dosana manggena, passangalinna latuli attallasaki.

PANGNGEBARANG 4:2

Anne apa kupangngajarranga mae ri kau bajiki, jari teako bawang-bawangngangi.

YEHEZKIEL 18:9

Nagaukangi parentaKu siagang naturuki hukkung-hukkungKu. Tau kammayami anjo nikana tau lambusu' siagang latuli attallasa'. INakke, Batara Kaminang Tinggia anne akkana.

PAOLE 11:21

Na ikau siagang ana'-ana'nu lanipakala'bui umuru'nu ri pa'rasangang Napa'janjianga Karaeng Allata'alanu mae ri boe-boenu. Lalang nia'na langika irateanna buttaya, kamma tomminjo sallonu lammantang ri anjo buttaya.

PAMMUJI 89:5

‘Empoang kala'birannu laKupartahangkangi satunggu-tungguna, laniempoi ri ana' cucunna.’ ”

YEREMIA 33:17

INakke, Batara, a'janji angkanaya tuli lania' sitau battu ri jari-jarina Daud a'jari karaeng ri Israel;