PAMMUJI 89:3 - KITTA' MATANGKASA'

³ Saba' kuassengi angkana satunggu-tungguna pangngamaseanTa, majarreki tamamminraTa sanrapang langi'.

PAMMUJI 89:3 Referans Kwoze

PAMMUJI 132:11

Le'ba'mi assumpa Batara mae ri Daud; tena nalaNakaluppai janjinNa. Nakana, “Sitau ana'nu laKupa'jari karaeng untu' ammarenta ansambeangko.

LAMPA-LAMPANA 2:30

Le'ba'mi a'janji siagang assumpa Allata'ala mae ri Daud, angkanaya nia' sallang kalase'renna sossoranna Daud laniangka' ri Allata'ala a'jari karaeng. Lanri naassenna Daud anjo janjia, siagang ia na'bi tongi,

PAMMUJI 89:28

Ia laKupa'jari ana' bura'ne toaKu, kaminang malompoa ri sikontu karaenga.

2 SAMUEL 23:5

Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

IBRANI 7:21

Mingka Isa, ammakei sumpa ri wattunna niangka' a'jari imang, iamintu ri wattunna Nakana Allata'ala mae ri Ia, “Le'ba'mi assumpa Batara, siagang talamamminrayai ri kananNa, ‘IKaumi Imang satunggu-tungguna.’ ”

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

2 SAMUEL 3:9

Bajikangngang Daud kutulung, la'biangampa lanri le'ba'na a'janji Batara mae ri ia laNaalle anne kakaraenganga battu ri Saul siagang jari-jarina, nampa Naangka' Daud a'jari karaeng mae ri sikontu tu Israel siagang tu Yehuda. Dasi-dasi naNabunoa' Allata'ala, punna tena nakugaukangi janjinNa Allata'ala mae ri anjo Daud!”

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

YEREMIA 30:9

La'jari atako mae ri Nakke, Karaeng Allata'alanu, siagang mae ri se'rea jari-jarina Daud ia laKuangkaka a'jari karaeng.

PAMMUJI 89:39

Mingka anne kamma larroKi' mae ri karaenga, Kipelaki siagang Kitollaki tu nipileTa.

PAMMUJI 78:70

Napilei Daud atanNa, na Naalle battu ri alla'na olo'-olo' piarana,

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

PAMMUJI 89:19

Saba' tuma'jagana ikambe iamintu tunipileTa, o, Batara; karaenna ikambe iamintu Allata'ala Matangkasa'na Israel pata.

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.