PAMMUJI 89:21 - KITTA' MATANGKASA'

²¹ Kubuntulu'mi Daud, atangKu, nampa Kulanti' siagang minynya'-minynya' upacara.

PAMMUJI 89:21 Referans Kwoze

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAMMUJI 89:13

IKatte ampa'jari waraka siagang timboroka, makkio' rannui mae ri Katte Moncong Tabor siagang Hermon.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

2 SAMUEL 23:1

Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga: