PAMMUJI 89:14 - KITTA' MATANGKASA'

¹⁴ Tamaka lompona koasaTa, tamaka heba'na kagassinganTa!

PAMMUJI 89:14 Referans Kwoze

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

PANGNGEBARANG 16:12

Mae ri tukoasaya, nikanaya a'gau' ja'dala' iami karantassang, saba' jarreki pamarentahanna lanri kaadelang.

PAMMUJI 85:13

Napassareangi Batara bajika, nalangngerang wassele' buttata.

PAMMUJI 145:17

Adeleki Batara lalang sikontu tindakanNa siagang rassi pangngamaseang lalang sikontu panggaukanNa.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

PAMMUJI 89:2

PangngarimangnginTa, o, Batara, latuli kukelongang, tamamminraTa lakukabarrang mae ri sikontu turungang.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

KALAPPASSANG 15:16

Tamaka malla'na ke'nanga ansa'bikangi kagassinganNa Batara. Ammalona ummatTa, takkulleai musua antahangi; ta'lappasa'mi bansa le'baka Kilappassang.

NEHEMIA 1:10

O, Batara, ikambe anne ata-atanTa, umma' kalenTa le'baka Kipasalama' lalang koasaTa siagang kahebakkanna kagassinganTa.

PAMMUJI 98:1

Pammuji. Akkelongko lagu beru mae ri Batara, lanri sikamma panggaukang malompoNa! Lanri koasa siagang kagassingang KalenNa nanggappamo pammetang.