PAMMUJI 88:6 - KITTA' MATANGKASA'

⁶ Nibokoia' ri alla'na tau matea, sanrapang tunibuno, anra'ba lalang ri kuburuka, sanrapang tau Kikaluppai duduamo, tenayamo naKitulungi.

PAMMUJI 88:6 Referans Kwoze

PAMMUJI 69:15

TeaKi' balang parekangia' tallang lalang ri je'neka, pasalamaka' battu ri tau birisika ri nakke siagang battu ri je'ne' lantanga.

PAMMUJI 86:13

Saba' tuli Kikamaseanga' lalang pangngamaseang lompoTa; Kilappassammi nyawaku battu ri kali'bong kuburuka.

YOHANES 12:46

BattuA' antama' ri linoa a'jari sanrapang singaraka, sollanna sikontu tau tappaka ri Nakke tena nammantang lalang ri sassanga.

PIRAUNG 3:2

Pila' bellama' nire'resang antama' ri tampa' sassang makkapuka.

PAMMUJI 143:3

Naondamma' musungku siagang nabetama', nampa napantamaka' ri tarungku sassanga; a'jarima' sanrapang tau salloamo mate.

PAMMUJI 40:2

Sa'barakka' antayangi bantuanNa Batara; nampa Naparhatikanga' siagang Napilangngeri pakkiokku.

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

YUDAS 1:6

U'rangi tongi sikamma malaeka' eroka appanggaukang allaloangai kakoasanna ke'nanga, sa'genna a'lampa ke'nanga ambokoi pammantanganna. Nisikko'mi ri Allata'ala sikamma anjo malaekaka siagang rante tamattappuka, irawa ri tampa' sassanga rawanganna buttaya. Anjoremmi ke'nanga nitahang turus, sa'genna nitappuki hukkunganna ke'nanga ri Allo sannaka heba'na sallang.

PIRAUNG 3:55

O Batara, akkioka' ri Katte, battu ri anjo bungung lantanga.

PAMMUJI 130:1

Kelong siara. Battu ri tubiri' kasusaanga akkioka' mae ri Katte, o, Batara.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

YUNUS 2:4

Kukana lalang ri atingku: Nabongkama' anne Batara battu ri dallekanNa. Talakucinikami pole Balla' pammantangang matangkasa'Na.