PAMMUJI 88:11 - KITTA' MATANGKASA'

¹¹ Apaka untu' tau matea naKigaukang gau' appakalannasaka? Maka ambangungi ke'nanga nampa mammuji mae ri Katte?

PAMMUJI 88:11 Referans Kwoze

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

MATIUS 7:13

“Pakke'bu' seppaka nuolo antama, lanri luaraki oloang mangea ri kapanrakanga, kammayatompa lompoi pakke'bu'na, najaimo tau angngolo anjoreng.

PANGNGEBARANG 15:11

Naassengi Batara linona tau matea siagang lampa-lampana; antekamma batena lakkulle nicokko pikkiranna taua mae ri Ia?

PAMMUJI 73:18

Kiboliki ke'nanga ri agang laccuka, na Kibalang parekang ke'nanga tu'guru' a'jari posso'.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

AYUB 26:6

Ri dallekanNa Allata'ala, tassungkei linona tau matea, tena tattongko' sa'genna Nacini'.

AYUB 21:30

Nakana ke'nanga, ‘Ri allo appabattuNa hukkungang Allata'ala, lanipasalamaki sikamma tau ja'dalaka.’

PAMMUJI 6:6

Saba' lalang ri lino kamateang taniu'rangia maKi'; tenamo tau mammuji ri Katte lalang linona tu matea.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

YEHEZKIEL 37:3

Akkuta'nangi Batara ri nakke angkana, “He tau, maka akkullei anne buku-bukua attallasa' poleang?” Appialima' angkana, “O Batara Kaminang Tinggia, iKatteji bawang angngassengi.”