PAMMUJI 87:1 - KITTA' MATANGKASA'

¹ Pammujina golongang Korah, se're kelong. Nabangungi Batara kotaNa irate ri bulu' matangkasa'Na.

PAMMUJI 87:1 Referans Kwoze

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.

2 PETRUS 1:18

Kalenna ikambe allangngereki anjo sa'ra battua ri suruga ri wattunta nia' angngagangi rate ri anjo bulu' matangkasaka.

PAMMUJI 68:16

Moncong Basan Iami moncong heba', moncong jaia coppo'na.

2 PATTOTTORANG 3:1

Le'ba'mi natantukang Karaeng Daud angkanaya anjo Balla'Na Batara musti anjorengi ri Yerusalem nibangung, iamintu ri Moncong Moria ri ampi'na panggilingang gandunna Arauna tu Yebus. Anjo pambangunanna Balla'Na Batara appakkaramulai nabangung Karaeng Salomo

PAMMUJI 121:1

Kelong siara. Accinika' mae ri moncong-monconga, battu kemae labattu pannulungku?

PAMMUJI 42:1

Untu' pamimpin pakelong. Kelong pangngajarang golongang Korah.

PAMMUJI 78:69

Nabangungi Balla'Na sanrapang pammantanganNa ri suruga, sanrapang lino, kassaka sa'genna satunggu-tungguna.

PAMMUJI 122:2

Kamma-kamma anne battumi ikambe ri pakke'bu' lompona kota Yerusalem.

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.