PAMMUJI 86:11 - KITTA' MATANGKASA'

¹¹ Kiajarakka' mae ri erotTa, o, Batara, sollanna kupinawang siagang majarre'; Kiajaria' a'jari tumappilangngeri sibatu pa'mai'.

PAMMUJI 86:11 Referans Kwoze

PAMMUJI 5:8

Mingka lanri lompona pangngamaseanTa, kukkulle antama ri Balla' SambayanTa. Kusu'ju mange ri Balla' Sambayang matangkasatTa, nakusombaKi' ri pa'mai' mailalang.

PAMMUJI 119:33

O, Batara, ajarakka' battuanna sikamma katantuanTa, sollangku mannuruki sa'genna kala'busang.

PAMMUJI 25:12

Kipangngajarrangi mae ri tumappilangngeria oloang musti naoloa ke'nanga.

AYUB 34:32

Le'ba'kami nupala' sollanna nipicinikiangko salanu? Le'ba' mako assumpa angkana lanupamarimi anjo panggaukang kammaya?

PAMMUJI 27:11

Kipicinikianga' apa Kikaerokia, o, Batara, rurunganga' mange ri oloang lambusuka, saba' tamaka jaina musungku.

PAMMUJI 26:3

Tuli mangngu'rangia' ri pangngamaseanTa, siagang tuli tamamminraya' mae ri Katte.

2 YOHANES 1:4

Sanna' rannuku lanri kuassenna angkanaya nia' ana'-anatta attallasa' situru' ajaranNa Allata'ala, situru' Napassuroanga Allata'ala Manggea mae ri katte.

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

EFESUS 4:21

Le'ba'mi nulangngere' kabara' battua ri KalenNa! Salaku tau amminawanga ri Ia, le'ba' tommako niajara' ri passala' katojengang sipa'-sipa'Na Allata'ala niaka ri KalenNa!

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.

MALEAKHI 2:6

Napangngajarrangi ke'nanga katojenganga, teai salaya napangngajarrang. SijarrekiA' siagang ke'nanga, siagang naturuki erokKu silambusu'na pa'mai'na ke'nanga. Jai tongi tau natulung ke'nanga sollanna tanagaukanga kaja'dallanga.

1 KORINTUS 6:17

Mingka inai-nai ampa'jari se'rei kalenna siagang Batara, assileo'mi RohNa Batara siagang rohna anjo taua.

PAMMUJI 119:30

Kupileimi lamannurukia, tuli kuu'rangi parentaTa.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

ZEFANYA 1:5

LaKubarrasaki sa'genna tangkasa' inai-nai mamo naika ri pattongko'na ballaka untu' anynyomba ri matanna alloa, bulanga siagang sikamma bintoenga. LaKupa'lanynya' tongi ke'nanga anynyombaya mae ri Nakke siagang assumpaya lamajarre' mae ri Nakke, mingka assumpa tongi lanri arenna Rewata Milkom.

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

HOSEA 10:2

Anjo sikamma tau a'jekkoa atinna, kamma-kamma anne musti natanggongi hukkunganna dosana. LaNaancuruki Allata'ala tampa' pakkoro'bangnganna ke'nanga, siagang Naruntungi patung-patung barhalana ke'nanga.