PAMMUJI 85:11 - KITTA' MATANGKASA'

¹¹ Lasigappai pangngamaseanga siagang nyawa tamamminraya, lasirakaki kaadelanga siagang passiamakkanga.

PAMMUJI 85:11 Referans Kwoze

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YESAYA 45:8

Kupaturungi pammetanga battu ri langika rapang bosi, nasungkei kalenna buttaya untu' antarimai, nampa napattimbo kasalamakkanga siagang kabebasanga; iNakkemi Batara ampa'jari ngasengi anjo sikammaya.”

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

YESAYA 53:2

Nakaerokangi Batara sollanna a'jari rapang cu'la' anjo atanNa attimboa ri butta rosoka. Tena baji'-baji' ri ia lanicini'; tena apa-apa lakkulle ningai ri ia.

YESAYA 42:21

Mangngellai Batara appasalama'; Nakellai nipakalompo siagang nipakala'biri' hukkunNa.

YESAYA 4:2

Nia' sallang wattunna naNapa'jari Batara sikamma lamung-lamunga siagang poko'-pokoka a'jari lompo siagang ga'ga ri anne pa'rasanganga. Anjo wattua tu Israel salamaka larannui pa'mai'na siagang lalompoi pa'mai'na lanri baji'na wassele' kattoanna.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

PAMMUJI 72:3

Poro a'jari coppongi na salewangang pa'rasanganna ikambe, na nia' kaadelang mae ri sikontu bansaya.