PAMMUJI 84:9 - KITTA' MATANGKASA'

⁹ Kipilangngeri laloi pappala' doangku, o, Karaeng Allata'ala Kaminang Koasaya, Kipilangngeri laloi, o, Allata'alana Yakub.

PAMMUJI 84:9 Referans Kwoze

PAMMUJI 2:2

Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PAMMUJI 132:17

Anrinni sitau turunganna Daud Kupa'jari karaeng; laKupakajarreki pamarentahanna.

PAMMUJI 98:1

Pammuji. Akkelongko lagu beru mae ri Batara, lanri sikamma panggaukang malompoNa! Lanri koasa siagang kagassingang KalenNa nanggappamo pammetang.

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

PAMMUJI 59:11

Lanri kabajikanNa Nabattu Allata'alaku mae ri nakke, Nalappassanga' anciniki musungku nibeta.

PAMMUJI 3:3

Jaimi tau mangkana taerokai Allata'ala antulunga'.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

2 PATTOTTORANG 6:42

O Karaeng Allata'ala, tea' laloKi' sorongbokoi anne karaeng le'baka Kipile. Kiu'rangi laloi pangngamaseanTa mae ri Daud atanTa.”

2 SAMUEL 23:1

Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga:

1 SAMUEL 16:6

Ri wattunna a'rappungammo ke'nanga siagang nacini'mi Samuel ana'na Isai, niarenga Eliab, napikkiri'mi angkana, “Ma'nassa iaminne laNapilea Batara.”

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

PAMMUJI 17:1

Pappala' doanna Daud. Kipilangngeri pakkiokku appala' kaadelang, Kiparhatikangi pappala' doang ati maci'nongku, o, Batara.