PAMMUJI 81:6 - KITTA' MATANGKASA'

⁶ Napa'jari se're katantuang mae ri bansa Israel, ri wattunna maju angngewai Mesir. Allangngereka' bicara tenaya nakuassengi, angkana,

PAMMUJI 81:6 Referans Kwoze

YESAYA 9:4

A'lappe'-lappeki sa'ra sapatuna tantaraya na bajunna rassi cera', lala'busu' nikanre ri pepe'.

YESAYA 10:27

Anjo wattua laKulappassangko battu ri panjallakkanna Asyur, nampa tenamo nakoasa ke'nanga mae ri kau.”

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

PAMMUJI 68:13

“Larimi sikamma karaeng-karaenga siagang pasukanna!” Lari ke'nanga sanrapang jangang-jangang bodobangkeng a'lampa anri'ba'. Sikamma bainea ri balla' a'bage-bage pera' siagang bulaeng nabokoia ke'nanga. Manna najai tena namminawang a'bundu', mingka ammetami umma'Na Allata'ala.

KALAPPASSANG 1:14

siagang nasusaimi katallassanna anjo tu Israelka. Tena sikalimo pangngamaseanna anjo tu Mesir ampassai tu Israel anjama terasa' ri sikamma usaha bangunanga siagang panjama-jamang ri sikamma kokoa.

1 PATTOTTORANG 4:23

Yangasenna ke'nanga papare' gumbang siagang katoang untu' karaenga, siagang niaka ammantang ri kota Netaim siagang Gedera.

PAMMUJI 114:1

Ri wattunna assulu' bansa Israel battu ri Mesir, wattunna nabokoi turunganna Yakub pa'rasangang maraenga,

PAMMUJI 122:4

Anrinnimi suku-suku bansaya battu, suku-suku bansa Napilea Batara, untu' appala' sukkuru' mae ri Ia situru' parentaNa.