PAMMUJI 81:3 - KITTA' MATANGKASA'

³ Appasa'rako rabana, appasa'rako kelong, ko'bi' bajiki gambusuka siagang kacapia.

PAMMUJI 81:3 Referans Kwoze

2 PATTOTTORANG 2:4

Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

2 PATTOTTORANG 13:14

Ri wattunna nacini' pasukang Yehuda angkanaya nikurummi ke'nanga, a'gorami ke'nanga appala' tulung ri Batara. Sikamma imanga appasa'rami tarompe',

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

1 PATTOTTORANG 16:42

Heman siagang Yedutun tugasa' tongi untu' tarompeka, simbala', siagang pakkakasa' musi' maraengannaya ia nipakea anrurungangi anjo kelong-kelong pammujia. Anggota-anggotana anjo bija-bijanna Yedutun nisarei tugasa' untu' anjagai sikamma pakke'bu' lompoa.

1 PATTOTTORANG 16:6

siagang rua imang, iamintu Benaya siagang Yahaziel nisare tugasa' untu' appasa'ra tarompe' ri dallekanna anjo Patti Parjanjianga.

2 KARAENG-KARAENG 4:23

Akkuta'nammi bura'nenna angkana, “Angngapa numusti a'lampa kamma-kamma anne? Anne alloa teai allo Pammari-mariang siagang teai allo lompo Bulang Beru.” Appialimi angkana, “Tena nangngapa.”

PAOLE 16:15

Tuju alloi musti nugaukang anjo passua'-suarranga untu' ampakala'biriki Karaeng Allata'alanu ri tampa' ibada le'baka Natantukang. A'rannu-rannu mako, lanri Nabarakkakina Karaeng Allata'alanu wassele' buttanu siagang jama-jamannu.

PAMMILANGNGANG 28:11

Ri pakaramulanna tunggala' bulanga musti nipassareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, tuju kayu ana' gimbala' laki umuru' sitaunga, massing tenaya ngaseng callanna.

KOLOSE 2:16

Lanri kammana, teako pa'biangi taua ampasalako ri passala' apa-apa nikanrea yareka apa-apa niinunga, yareka ri passala' allo-allo lompona agamaya, yareka passua'-suarrang bulang berua, yareka ri passala'na allo Pammari-marianga.

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

PIRAUNG 2:6

Naancuruki Balla'Na tampa' pa'rappunganna umma'Na untu' anynyomba ri Ia. Napatakkaluppai taua ri allo Pammari-marianga siagang allo-allo lompoa. Lanri tamaka larroNa Batara, Nasorongbokomi imanga siagang karaenga.

PAMMUJI 98:6

Pasa'rai musika siagang tarompeka, akkio' rannuko mae ri Batara, Karaenta.

2 PATTOTTORANG 8:13

Anjo koro'bang-koro'banga nipassareangi situru' hukkung napassareanga Musa untu' tunggala' allo lompoa, kammayami: allo Pammari-marianga, allo lompo Bulang Beru, siagang tallua allo lompo taung-taung iamintu allo lompo Roti Tenaya Nammake Pa'gambang, allo lompo Pakkattoang, siagang allo lompo Pa'balla'-ballakang Leko'-leko'.

1 PATTOTTORANG 15:16

Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.

1 PATTOTTORANG 25:1

Untu' ammimping sikamma pa'gaukang passambayanganga, napilemi Karaeng Daud siagang sikamma pamimping tu Lewi, sikamma bija-bija tu Lewi iamintu: Asaf, Heman, siagang Yedutun. Iami ke'nanga nisare tugasa' untu' ampabattui pappasang battua ri Allata'ala siagang nirurungang musi' kacapi, gambusu', siagang simbala'. Untu' ammimping sambayang siagang massing-massing antekamma pa'gaukanna, nipilemi siapa are regu iamintu:

PAMMUJI 33:2

Appala' sukkurukko mae ri Batara siagang kacapi, akkelongko mae ri Ia nirurungang ri sa'ra musi'.

PAMMUJI 149:3

Pujimi arenNa nu'joge'-joge', pujimi siagang kacapi na rabana!