PAMMUJI 79:7 - KITTA' MATANGKASA'

⁷ Saba' le'ba'mi naballassi ummatTa, naancuru' tampa' pammantanganna ke'nanga.

PAMMUJI 79:7 Referans Kwoze

ZAKHARIA 1:15

Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

YEREMIA 50:7

Nibakkai siagang nisessai ke'nanga ri sikontu naaganga sibuntulu' ke'nanga. Nakana musu-musunna ummakKu, ‘Manna apa nigaukang mae ri ke'nanga, tena nasala, nasaba' anjo taua dorakami ri Batara. Boe-boena ke'nanga tappaki ri Batara, jari mustina ke'nanga tuli majarre' tongi mae ri Batara.’

PAMMUJI 80:13

O, Allata'ala, angngapa Kirumbangi kalli'na, sa'genna sikamma tau allaloa akkulle ngasengi naalle rapponna?

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

YESAYA 9:12

Tena ijapa nassesse' lalang bansa Israel, manna pole nanihukkummo ri Batara Kaminang Makoasaya; tena ijapa natoba' ke'nanga mae ri Ia.

YESAYA 64:9

Jari tea' maKi' larro dudui, o Batara, tea' maKi' u'rangi pole dosana ikambe; Kicini'mi anne ikambe ummatTa.