PAMMUJI 79:4 - KITTA' MATANGKASA'4 Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe. Gade chapit la |
Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”
Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.
He pandudu' Yehuda siagang Israel! Ri jammang allaloa, punna situnra-tunrai bansa maraenga, nakana ke'nanga, ‘Poro battu lalo bala sangkammaya antujui Yehuda siagang Israel antuju tongko!’ Mingka laKupasalama' ngasengko, sa'genna anjo bansa-bansa maraenga lanakana massing ri para ia ke'nanga, ‘Poro anjo barakka' turunga ri Yehuda siagang Israel, turung tongi mae ri kalennu!’ Lanri kammana pakajarreki pa'mai'nu siagang teako mallakki!”