PAMMUJI 79:1 - KITTA' MATANGKASA'

¹ Pammujina Asaf. O, Allata'ala, bansa tenaya naassengKi' naempoimi butta pisakaTa. Nara'massimi BallatTa, napa'jarimi Yerusalem rumbangngang balla'.

PAMMUJI 79:1 Referans Kwoze

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

2 PATTOTTORANG 36:19

Naruntungi tembo' kotana Yerusalem, kammayatompa Balla'Na Batara siagang sikontu balla' karaenga natunui siagang barang-barang lompoa anggaranna niaka ija lalang ri anjo sikamma balla' karaenga.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

PAMMUJI 78:71

battu ri tampa'na ammarakai anrong gimbala', untu' angkalawaki Israel umma'Na.

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

2 KARAENG-KARAENG 24:13

Sikontu pakkakasa' bulaeng napareka Karaeng Salomo untu' Balla'Na Batara, nipanraki ri Nebukadnezar. Nampa sikontu barang-barang niaka anggaranna lalang ri anjo Balla'Na Batara siagang ri balla' karaenga naengkaki mange ri Babel. Sikontu anjo passalaka kajariangi situru' apa le'baka Napau riolo Batara.

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

YEHEZKIEL 9:7

Nakana Allata'ala ri ke'nanga, “Ra'massi anne BallakKu! Pirassi sikamma paranglakkenna siagang maya'. Appakkaramula mako!” Jari appakaramulami ke'nanga ambunoi sikamma tau niaka lalang ri kotaya.

YEREMIA 39:8

Lalang kammana anjo tu Babel natunumi balla' karaenga sikamma balla'na ngaseng ra'yaka, kammayatompa naruntungi tembo'-tembo' kalli'na Yerusalem.

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

PAMMUJI 50:1

Pammujina Asaf. Batara, Allata'ala Kaminang Koasaya, a'bicarai; akkioki mae ri sikontu linoa battu iraya sa'genna kalau'.

YESAYA 63:18

Angngapa Kilappassangi musua angngonjo'-onjokangi BallatTa, siagang nara'massi taua bulu' matangkasatTa?

YEREMIA 51:51

Nukana, ‘Nihinai siagang nipakasiriki ikambe; tappela'mi siri'na ikambe lanri bansa maraenga ampammantangngi kamara'-kamara' tangkasaka ri Balla'Na Batara.’