PAMMUJI 78:69 - KITTA' MATANGKASA'

⁶⁹ Nabangungi Balla'Na sanrapang pammantanganNa ri suruga, sanrapang lino, kassaka sa'genna satunggu-tungguna.

PAMMUJI 78:69 Referans Kwoze

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

YESAYA 48:13

LimangKu ampadongkoki dasara'na buttaya siagang ampaka'rangi passimbanga. Punna Kukioki arenna, lintaki battu ke'nanga.

PAMMUJI 104:5

Kijarreki Kitannang buttaya ri dasara'na, sa'genna tena nalata'lengga satunggu-tungguna.

PAMMUJI 102:25

Nampa kukana, “O, Allata'ala, teaKi' allei nyawaku ri tangnga-tangngana tallasakku.” O, Batara, iKatte attallasa' satunggu-tungguna,

AYUB 26:7

Naka'rangi Allata'ala langika irateanna tamparang lompoa, nampa nagentung buttaya ri alla' tenaya bonena.

2 PATTOTTORANG 3:4

La'buna kamara' bageang dallekang sangkammai sangkara'na anjo ballaka iamintu 9 metere'. Tinggina 54 metere'. Bageang lalanna kamaraka anjo nilapisiki siagang bulaeng ti'no'.

2 PATTOTTORANG 2:9

sollanna jai kayu akkulle napasadia ke'nanga. Nasaba' anjo Balla'Na Batara eroka kubangung musti lompoi siagang la'biriki.

1 PATTOTTORANG 29:19

Kisarei Salomo, ana' bura'neku, kaerokang attojeng-tojenga untu' anturuki sikontu parentaTa, siagang untu' ambangungi anjo balla' sambayanga, ia le'bakamo kupa'nia' parsadiaanna.”

1 PATTOTTORANG 29:1

Nampa nakana Karaeng Daud mae ri sikontu tau a'rappunganga anjoreng, “Battu ri sikontu ana' bura'neku, Salomomi Napile Allata'ala. Mingka rungka dudu iji siagang kurang iji pangalamanna, naanne jama-jamanga sanna' lompona. Nampa pole anjo lanibangunga teai balla' karaeng rupatau, passangalinna balla' untu' Karaeng Allata'ala.

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

PAMMUJI 87:1

Pammujina golongang Korah, se're kelong. Nabangungi Batara kotaNa irate ri bulu' matangkasa'Na.