PAMMUJI 78:43 - KITTA' MATANGKASA'

⁴³ ri wattunna appa'nia' gau'-gau' appakalannasa' ri Mesir, siagang gau'-gau' malompo ri parang Zoan.

PAMMUJI 78:43 Referans Kwoze

PAMMUJI 135:9

Anjoreng Nagaukangi jai gau' appakalannasa' siagang tanra untu' anghukkungi karaenga siagang sikontu pagawena.

NEHEMIA 9:10

Kigaukangi gau' mahebaka ri karaeng Mesir kamma todong ri pagawena siagang ri ra'ya'na pa'rasanganna, nasaba' Kiassengi antekamma batena ampa'risi ummatTa. Nampa masahoro'mo arenTa sa'genna anne alloa.

PAOLE 6:22

Kalenna ikambe anciniki sikamma gau' appakalannasa' Nagaukanga Batara siagang sikamma apa-apa appakamalla' Nagaukanga mae ri tu Mesir siagang ri karaenna ke'nanga, kammayatompa sikontu pagawena.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

KALAPPASSANG 7:3

Mingka laKupa'jari anjo karaenga terasa' pa'mai'na. Tena nalanajampangiko, manna pole kuppabattu jai bala ri Mesir.

KALAPPASSANG 4:21

Nakana Batara ri Musa, “Le'ba' mako Kusare koasa untu' anggaukangi gau'-gau' malompoa. Jari punna ammotere' mako sallang ri Mesir, gaukammi anjo sikamma gau'-gau' malompoa ri dallekanna Karaeng Mesir. Mingka laKupa'jari terasaki pa'mai'na, sa'genna taeroka assarei ising untu' a'lampa anjo bansaya.

PAMMUJI 78:12

Ri dallekanna boe-boena ke'nanga, a'gau' appakalannasaki Allata'ala ri pa'rasangang Mesir, ri lappara' Zoan.

LAMPA-LAMPANA 7:7

Mingka laKuhukkungi anjo bansa ampa'jari atayai ke'nanga, nampa assulu' ke'nanga battu anjoreng ri pa'rasanganga. Nampa lanynyombai ke'nanga mae ri Nakke anrinni ri tampaka.’