PAMMUJI 78:32 - KITTA' MATANGKASA'

³² Mingka manna nakamma tuli dorakana umma'Na, taerokai tappa' ke'nanga ri sikamma gau' appakalannasa'Na.

PAMMUJI 78:32 Referans Kwoze

YOHANES 12:37

Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

PAMMUJI 78:22

saba' tena natappa' ke'nanga mae ri Allata'ala, mae ri koasaNa akkullea ampasalamaki ke'nanga.

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

PAMMUJI 78:11

Nakaluppai ke'nanga sikamma apa le'baka Nagaukang, siagang apa-apa appakalannasa' le'baka nipa'nyatangi ke'nanga.