PAMMUJI 78:21 - KITTA' MATANGKASA'

²¹ Nalangngere'Na Allata'ala anjo, Nabakkaimi umma'Na siagang pepe'; pila' katambammi larroNa mae ri ke'nanga,

PAMMUJI 78:21 Referans Kwoze

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.

1 KORINTUS 10:11

Yangasemmi anjo kajariang mae ri ke'nanga, untu' a'jari conto mae ri tau maraenga. Kammayatompa nitulisi' ngaseng tommi anjo apa kajarianga untu' a'jari pappakainga' mae ri katte ngaseng. Nasaba' kamma-kamma anne nia' maki' attallasa' ri kala'busanna jammanga.

IBRANI 12:29

Nasaba' anjo Allata'alata sanrapangi pepe' appakamutunga.

1 KORINTUS 10:5

Mingka manna nakamma mamo, jaiangangi ri ke'nanga taningaia ri Allata'ala; iaminjo saba'na nasanna' jaina maya'na ke'nanga attambung ri parang lompoa.

PAMMUJI 78:31

a'jari larromi Allata'ala siagang Naewami ke'nanga; Nabunoi tu Israel rungkaya siagang porea.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

PAMMILANGNGANG 11:10

Nalangngereki Musa anjo tu Israel a'moro-moro, a'gompo-gompo ri dallekang pakke'bu' kemana ke'nanga. Nampa a'rinramo larroNa Batara napakamma, sa'genna si'na nasa'ring pa'mai'na Musa.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.