PAMMUJI 78:13 - KITTA' MATANGKASA'

¹³ Nabage ruai tamparanga, nampa napalimbang ke'nanga; napaentengi je'neka sangkamma tembo' pammantangngang je'ne'.

PAMMUJI 78:13 Referans Kwoze

KALAPPASSANG 14:21

Nampa napajonjomo limanna Musa ri tompo'na tamparanga, nampa appabattumo Batara anging battu raya ammiri' sanna' kancanna, sa'genna ammunduru'mo je'ne' tamparanga. La'busu' bangngi ammiri' anjo anginga, siagang napinrami anjo tamparanga a'jari butta kalotoro'.

KALAPPASSANG 15:8

Kituiki tamparanga, ta'gulung tinggi je'neka, ammenteng kassa' rapang tembo', sa'genna akkulle niolo dapara'na tamparanga.

PAMMUJI 66:6

Napinrai tamparanga a'jari butta kalotoro', nalimbangngi boe-boena ikambe a'jappa bangkeng. Na marannumo ikambe lanri panggaukanNa.

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

HABAKUK 3:15

Kionjo'-onjokangi tamparang lompoa siagang jaranTa na'jari kebo'mo a'busa tamparanga.

YESAYA 63:13

Kemae Batara anrenrengai ke'nanga a'jappa ilalang ri je'ne' lantanga? Rapang jarang allalo ri parang lompoa, tena le'bakai tatto'ro ke'nanga.”

PAMMUJI 38:7

A'dundua' siagang a'bukkuka', sila'busu' alloa susa siagang si'na.

KALAPPASSANG 14:22

Ta'bage ruami je'neka, siagang ri wattunna a'limbang tu Israel ri anjo tamparanga, a'jappami ke'nanga ri butta kalotoroka, nampa anjo je'ne' niaka ri sa'ri kananna siagang kairinna rapangi tembo' ammenteng nai'.

KALAPPASSANG 14:29

Mingka ri wattunna a'limbang tamparang tu Israelka, a'jappai ke'nanga lalang ri butta kalotoro'na tamparanga, siagang je'ne' niaka ri kananna siagang ri kairinna a'jari kammai tembo' nai'.

YOSUA 3:13

Sinampe' punna anjo imang-imang ambulekai Patti ParjanjianNa Batara napaonjo'mi bangkenna antama' ri je'neka ri Binanga Yordan, ammantammi a'lo'loro' je'ne'na; anjo je'ne' a'lo'loroka ri ulunna anjo binangaya lammantangi ri se're tampa'.”

YESAYA 63:12

Kemae Batara le'baka anrurungangi Musa siagang limanNa makassaka, ambage ruayai je'neka ri dallekanna ke'nanga sollanna masahoro' arenNa satunggu-tungguna?