PAMMUJI 77:19 - KITTA' MATANGKASA'

¹⁹ A'gamarrungi gunturuka, akkilaki kilaka, ta'goccangi siagang annekkereki buttaya.

PAMMUJI 77:19 Referans Kwoze

KALAPPASSANG 14:28

Ammotereki je'ne' tamparanga siagang natongko'mi naung sikamma karetaya, sikamma tau niaka andongkoki, kammayatompa sikontu tantara Mesir niaka angngondangi tu Israel antama' ri tangngana tamparanga, sa'genna mate kabusu'mo ke'nanga.

HABAKUK 3:15

Kionjo'-onjokangi tamparang lompoa siagang jaranTa na'jari kebo'mo a'busa tamparanga.

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

2 SAMUEL 22:8

Nampa ta'goccang linoa siagang ta'ge'goso' lanri kalarroanNa Allata'ala!

AYUB 23:14

LaNapajappai rancanaNa mae ri nakke, na jai iji rancanaNa pantaranganna anjo.

AYUB 36:29

Tena manna sitau ampahangi gio'na rammanga siagang sa'ra gunturuka ri langi' pammantanganNa Allata'ala.

PAMMUJI 97:4

Kila'Na assingari linoa, annekkereki buttaya anciniki.

PAMMUJI 104:32

Naciniki buttaya na'jari annekkere'mo buttaya, nasentoki moncong-monconga, sa'genna assulu' umbunna.