PAMMUJI 77:18 - KITTA' MATANGKASA'

¹⁸ Rammanga appaturungi bosi, a'gamarrungi gunturuka; akkilaki kilaka ri kere-keremae.

PAMMUJI 77:18 Referans Kwoze

PAMMUJI 97:4

Kila'Na assingari linoa, annekkereki buttaya anciniki.

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.

2 SAMUEL 22:14

Nampa a'gamarrung Batara battu ri allaka, Kaminang Tinggia ampappilangngerangi sa'ranNa.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

PAPPICINI' 18:1

Le'baki anjo nia'mo kucini' se're malaeka' maraeng naung battu ri suruga. Nia' kakoasang lompona, siagang suara'nami ampa'jari singaraki sikontu linoa.

MATIUS 28:2

Ti'ring ta'ge'goso' sanna'mi buttaya. Nampa nia'mo malaeka'Na Batara manaung battu ri suruga mange anggulungi assulu' anjo batu antongkokiai jera'Na Isa, nampa nai' ammempo ri tompo'na anjo batua.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

HABAKUK 3:4

BattuKi' lalang caya malompoTa, battu ri limanTa assulu' singara' lompoa, anjoremmi Kicokko koasaTa.

PAMMUJI 104:7

Punna Kiga'gara', a'lo'loroki anjo je'neka, a'lo'loro' kancang lanri arrunna sa'ranTa.

PAMMUJI 18:7

Makkioka' ri Batara lalang ri kasukkarangku, makkioka' ri Allata'alaku appala' pannulung. Battu ri Balla'na Nalangngereki sa'rangku na Naparhatikang pakkiokku.

2 SAMUEL 22:8

Nampa ta'goccang linoa siagang ta'ge'goso' lanri kalarroanNa Allata'ala!

HAKING-HAKING 5:4

Ri wattu a'lampanu battu ri Seir, o Batara, na Kibokoi daera Edom, ma'gioki buttaya, tassungkei passolongang langika, na natu'gurammo je'ne'na rammanga.

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

KALAPPASSANG 19:16

Ri makatalluna alloa, ri bari'basa'na, battumi gunturuka siagang kilaka. Nia'mo ammumba rammang kapala' rate ri monconga siagang nia'mo kalangngerang sa'ra tarompe' sannaka lompona sa'ranna. Annekkere' ngasemmi sikontu taua ri kemaya napakamma malla'.

PAMMUJI 18:14

Nampa a'gunturu' Batara battu ri allaka; Kaminang Tinggia Napappilangngerangi sa'ranNa.

PAMMUJI 18:15

Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.