PAMMUJI 77:16 - KITTA' MATANGKASA'

¹⁶ Lalang kagassinganTa naKipakabebasa' ummatTa, turunganna Yakub siagang Yusuf.

PAMMUJI 77:16 Referans Kwoze

KALAPPASSANG 14:21

Nampa napajonjomo limanna Musa ri tompo'na tamparanga, nampa appabattumo Batara anging battu raya ammiri' sanna' kancanna, sa'genna ammunduru'mo je'ne' tamparanga. La'busu' bangngi ammiri' anjo anginga, siagang napinrami anjo tamparanga a'jari butta kalotoro'.

HABAKUK 3:15

Kionjo'-onjokangi tamparang lompoa siagang jaranTa na'jari kebo'mo a'busa tamparanga.

PA'JARIANG 48:5

Napannarrusu'mi kananna Yakub, nakana, “Yusuf, anjo ruaya ana'nu lassuka anrinni ri Mesir, ri tenanapa kubattu, iamintu Efraim siagang Manasye, kupasangkammai anakku, sangkamma Ruben siagang Simeon.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.