PAMMUJI 76:7 - KITTA' MATANGKASA'

⁷ Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

PAMMUJI 76:7 Referans Kwoze

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

PAPPICINI' 14:7

Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

PAMMUJI 90:11

Inaika angngassengi lompona pangngalarroinTa? Yareka angngassengi kale'bakkanna kalarroanTa?

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

1 PATTOTTORANG 16:25

Nasaba' malompoNa Batara siagang sanna' nipujiNa; Ia musti la'bi nikamallakkang kala sikontu rewataya.

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

KALAPPASSANG 15:4

Tantara Mesir siagang sikontu karetana nipasambilai antama' ri tamparang. Perwira-perwira tantarana kaminang gammaraka tallangi naung ri Tamparang Alara'.