PAMMUJI 75:9 - KITTA' MATANGKASA'

⁹ Anjo larroNa Allata'ala sanrapangi cangkiri' pangnginungang ri limanNa, anjo cangkirika anggoro' terasa' bonena. Natumpai Allata'ala bonena, sikontu tau ja'dalaka ri lino musti nainungi sa'genna la'busu'.

PAMMUJI 75:9 Referans Kwoze

PAMMUJI 104:33

Erokka' akkelong mae ri Batara lalang tallasakku, akkelong pammuji mae ri Allata'alaku lalang niakku ija.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

PAMMUJI 9:14

Cinikima' anne, nisessa ri musua; kamaseanga', o, Batara, Kilappassanga' battu ri kamateanga,

AYUB 21:20

Lappassammi tau dorakaya antanggongi dosa kalenna ke'nanga, lappassammi nakasia' pangngalarroiNa Allata'ala Kaminang Tinggia.

PAMMUJI 60:5

Kibalang parekangi ummatTa angkasiaki pa'risi' lompoa; ta'royong-royongi ikambe sanrapang tau nasa'ring.

YEREMIA 25:15

Batara, Allata'alana Israel, Nakana ri nakke, “Allei anne kaca anggoro' le'baka Kubonei anggoro' pangngalarroingKu. Erangi mange ri sikontu bansa nupa'lampaia Kusuro, siagang suroi ke'nanga angnginungi anne anggoroka.