PAMMUJI 74:2 - KITTA' MATANGKASA'

² Kiu'rangi ummatTa le'baka Kipile battu riolo, bansa Kipakabebasaka sollanna a'jari Kipatang. Kiu'rangi Bulu' Sion, Kipareka a'jari pammantangnganTa.

PAMMUJI 74:2 Referans Kwoze

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

PAOLE 32:9

Mingka anne jari-jarina Yakub Napilei Batara untu' KalenNa.

KALAPPASSANG 15:16

Tamaka malla'na ke'nanga ansa'bikangi kagassinganNa Batara. Ammalona ummatTa, takkulleai musua antahangi; ta'lappasa'mi bansa le'baka Kilappassang.

KALAPPASSANG 15:13

Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

YEREMIA 51:19

Allata'alana Yakub tena nasangkamma anjo barhalaya; Iami ampareki sikontu apa niaka. Arenna iamintu Batara Kaminang Koasaya; le'baki Napile tu Israel a'jari umma'Na.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

YESAYA 62:12

Lanigallaraki ke'nanga: ‘Umma' Matangkasa'’; ‘Umma' nipasalamaka ri Batara’. Yerusalem lanigallaraki ‘Kota ninyonyoka ri Batara’, ‘Kota tenayamo nanibokoi ri Batara’.

YESAYA 51:11

Nalammotere'mo sikamma tau Nalappassanga Batara akkio' rannui ke'nanga antama' ri Yerusalem corai rupanna ke'nanga lanri karannuang mannannungang. Rannui siagang ma'reja-rejai ke'nanga, lanynya'mi susaya siagang kunrarenga.

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.

PAMMUJI 77:15

IKattemi Allata'ala anggaukangai gau' appakalannasaka, le'ba'mi Kipa'nyata koasaTa ri alla'na bansa-bansaya.

PAMMUJI 68:16

Moncong Basan Iami moncong heba', moncong jaia coppo'na.

PAMMUJI 33:12

Mate'nei bansa mangakua ri Batara salaku Allata'alana, mate'nei umma' Napilea a'jari umma' Napatanga!

PAMMUJI 9:11

Tau mangngassenga ri Katte manrannuangi ri Katte, o Batara, tu manynyombaya ri Katte tena naKibokoi.

PAOLE 9:29

Mingka Kiu'rangi laloi, o Batara, angkanaya anne ke'nanga bansa Kipile a'jari ummatTa, siagang Kierangi battu ri Mesir lalang kagassingang siagang kakoasang malompoTa.”

PAOLE 9:26

siagang appala' doamma' angkana, O, Batara Kaminang Tinggia, tea' laloKi' ancuruki anne umma' KalenTa, bansa le'baka Kilappassang siagang Kiantaraka assulu' battu ri butta Mesir lalang kagassingang siagang kakoasang malompoTa.

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

PAMMUJI 94:14

Saba' talaNabokoiyai Batara umma'Na; talaNabawang-bawangngangiai pisaka Napatanga.

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.