PAMMUJI 73:28 - KITTA' MATANGKASA'

²⁸ Mingka untu' inakke tamaka baji'na ma'reppeseka mae ri Allata'ala, Karaeng Allata'ala kupa'jari tampa' pa'la'langangku, sollanna akkulle kukabarrang sikontu panggaukanNa.

PAMMUJI 73:28 Referans Kwoze

PAMMUJI 40:5

Mate'nei tau matappaka ri Batara, tenaya nanynyomba ri rewata-rewataya, yareka appala' tulung mae ri tau tampoa.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

PAMMUJI 65:4

Teai sipato' battala'na dosa-dosaku, mingka iKatte ampammopporanga'.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

PAMMUJI 118:17

Tena kulamate, mingka tuli lattallasakka' untu' ankabarrangi bate pare'Na Batara.

PAMMUJI 71:24

Sila'busu' alloi lakukabarrang kaadelanTa, saba' sikamma tau eroka ancilakaia' le'ba'mi nibeta siagang nipakasiri'.

PAMMUJI 84:10

Kibarakkaki karaenna ikambe, o, Allata'ala, Kijagai laloi tau le'baka Kipile.

PAMMUJI 116:7

Kupakasannangi pa'maikku, saba' bajiki Batara mae ri nakke.

PAMMUJI 107:22

Boli'mi kamma appala' sukkuru' ke'nanga angngerang passare, na nakabarrang panggaukanNa siagang kelong-kelong marannu.

PAMMUJI 71:17

O, Allata'ala, Kiajarakka' battu ri wattu rungkaku, sa'genna anne kamma kucaritai bate pare' malompoTa.

PAMMUJI 66:16

Battu mako siagang pilangngerimi, he sikamma tau mappilangngeria, lakucaritai apa le'baka Nagaukang Allata'ala mae ri nakke.

PAMMUJI 14:6

Tau ja'dalaka eroki narompai tu kasi-asia, Mingka Batara a'jari pa'la'langanna.

1 SAMUEL 14:36

Nampa nakanamo Saul mae ri ana' buana, “Umba nakimange ambunduki tu Filistin anne bangngia, nampa niella' ke'nanga sa'genna bari'basa' na nibuno ngaseng ke'nanga.” Appialimi ke'nanga angkana, “Baji'mi nakigaukang apa kikanaya baji' karaeng.” Mingka nakana imanga, “Umba nakiappala' rolong pitunju' battu ri Allata'ala.”

PAMMUJI 71:15

Sila'busu' alloi lakucarita sikamma gau' adeletTa, na kasalamakkang battua ri Katte nisawalaka nirekeng jaina.