PAMMUJI 73:1 - KITTA' MATANGKASA'

¹ Pammujina Asaf. Tamaka baji'na Allata'ala mae ri umma'Na, mae ri tau ci'nonga pa'mai'na.

PAMMUJI 73:1 Referans Kwoze

MATIUS 5:8

Mate'nei tau lambusu' pa'maika; nasaba' iami langngassengi Allata'ala!

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

ROMA 4:16

Jari lanri tappa'naji taua mae ri Allata'ala nania' anjo janjinNa Allata'ala. Iaminjo a'jari pammatei mattantua mae ri sossoranna Abraham, angkanaya nisareang bawang-bawanji ke'nanga anjo janjia battu ri Allata'ala; teai untu' tau mannurukiaji bawang ri hukkung agama Yahudia, passangalinna untu' tau tappaka pole ri Allata'ala, sangkamma tappa'na Abraham mae ri Allata'ala. Nasaba' iaminjo Abraham bapa' rohanita ngaseng.

PAMMUJI 50:1

Pammujina Asaf. Batara, Allata'ala Kaminang Koasaya, a'bicarai; akkioki mae ri sikontu linoa battu iraya sa'genna kalau'.

2 PATTOTTORANG 29:30

Karaenga siagang pamimping-pamimpinna ra'yaka nasuroi akkelong tu Lewia untu' angkelongangi kelong-kelong le'baka napare' Daud siagang Na'bi Asaf. Rannu kabusu'mi pa'mai'na sikontu taua nampa akkulantu' siagang anynyomba ri Allata'ala.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

PAMMUJI 83:1

Pammujina Asaf: se're kelong-kelong.

PAMMUJI 73:18

Kiboliki ke'nanga ri agang laccuka, na Kibalang parekang ke'nanga tu'guru' a'jari posso'.

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

1 PATTOTTORANG 16:37

Le'baki anjo nasaremi Daud tugasa' Asaf siagang tu Lewia maraenganga untu' tuli angngurusuki apa-apa niaka pasisambunganna siagang passambayangang nigaukanga ri tampa' napammantangia anjo Patti ParjanjianNa Batara. Allo-allona musti tugasaki ke'nanga anjoreng,

1 PATTOTTORANG 16:7

Iaminjo bungasa'na Daud ansarei tugasa' Asaf siagang aganna ngaseng untu' akkelong pammuji-muji mae ri Batara.

1 PATTOTTORANG 15:17

Iaminne tau akkarena simbalaka, ia battua ri kaluarga-kaluarga pakelonga: Heman ana'na Yoël siagang sikamma sari'battanna iamintu niarenga Asaf ana'na Berekhya, siagang Etan ana'na Kusaya battu ri bija Merari. Untu' anrurungangi ke'nanga siagang untu' akkarena kacapi tinggia sa'ranna, nipileimi siapa are tu Lewi, iamintu: Zakharia, Yaaziel, Semiramot, Yehiel, Uni, Eliab, Maaseya, siagang Benaya. Untu' akkarena kacapi rawaya sa'ranna nipileimi siapa are tu Lewi, iamintu: Matica, Elifele, Mikneya, Azazya, siagang rua pangawala'na Balla'Na Batara, iamintu Obed-Edom siagang Yeiel.

1 PATTOTTORANG 6:39

Asaf iami pamimping kalompo' pakelong makaruaya. Garisi' pattottoranna battu rawa sa'genna nai' ri Lewi, iamintu: Asaf, Berekhya, Simea,