PAMMUJI 72:7 - KITTA' MATANGKASA'

⁷ Poro pila' a'bakka' kaadelanga lalang sikontu jammanna, na alla'bi-la'bi kacopponganga lalang sikontu bulang niaka.

PAMMUJI 72:7 Referans Kwoze

YESAYA 2:4

Ia la'jari haking ri tangnga-tangngana bansa-bansaya, annappuki parkara ri tangnga-tangngana suku-suku bansaya. Lanide'deki pa'danga a'jari pa'jeko, siagang pokea a'jari pa'battasa'. Tenamo nalasibakkai bansa-bansaya, tena tommo natuli sadia ero' a'bundu'.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

PAMMUJI 92:12

Kuciniki nibetana musu-musungku, sikamma tau ammentenga untu' ambalianga', kulangngere'mi rancana-rancana ja'dala'na ke'nanga.

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

YESAYA 60:22

Ba'lalo manna kaluarga ca'dia siagang tunaya la'jari bansa lompo siagang kassa'. INakke Batara langngalle tindakang linta', ri wattu kaminang bajika.”

LAMPA-LAMPANA 4:32

A'julu atimi siagang a'julu nyawa ngasemmi anjo sikontu tau tappaka. Punna nia' apa-apanna ke'nanga, tena manna sitau langkana anjo apa-apaya ia bawang pata. Sikontu apa niaka ri ke'nanga, napassama-samaimi napake.

LUKAS 1:33

Siagang lammarentai salaku Karaeng satunggu-tungguna ri boe-boena Yakub. Tena kala'busanna bateNa lammarenta.”

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

1 KARAENG-KARAENG 5:4

Mingka kamma-kamma anne Nasarema' Karaeng Allata'alaku kaamangngang ri sikontu daera kakoasangku. Tena musungku, siagang tena bala antujui pa'rasangangku.

ZAKHARIA 9:10

Nakana Batara, “LaKupelaki kareta-kareta pa'bundukang battua ri Efraim, sikontu jarang niaka ri Yerusalem laKupa'lanynyaki siagang sikontu panaya laKuancuruki. Lanapa'la'bangi napabattu Karaennu passiamakkanga ri alla'na bansa-bansaya. Lakoasai battu ri tamparang se'rea mange ri tamparang maraenga, battu ri Binanga Efrat sa'genna ri cappa'na linoa.”